انا مشكلتي اني ماليش صحاب ودي حاجه مضايقاني؛ انا كنت مصاحبه البنات اللي معايا في الفصل كلهم، ولما كنت بتعب محدش كان بيجيلي برغم اني كنت بروحلهم وازورهم كلهم، ولما روحت الكلية بعدت عنهم لأن محدش كان بيجيلي البيت إلا للمصحلة، بس لما اتعب ويحصلي حاجه يفرحوا فيا.
دلوقتي انا خلصت الكلية ومبقتش أكلم حد فيهم، ومخطوبة، خطبيبي بيقولي انتي ازاي معندكيش أصحاب من بلدك؟
أنا باتضايق من كده، أنا ليا
أصحاب من الكلية وحلوين، بس في بلد تانية غير بلدي، وساعات بحس بالوحدة واني ماليش حد احكي معاه أو أحس هو انا وحشه عشان مصحبش رغم اني والله العظيم كويسه جدا وجدعه وطيبة بس معرفش ليه محدش بيقف جنبي.
