هقول لحضرتك حاجه اي بيت فيه حوارات بتحصل كل يوم طبيعي والحوارات دي بنفهمها بطريقتنا على أنها ممكن تكون كبيره وازاي يعمل كدا وكلام من دا لكن في الحقيقه هي بتحصل في كل بيت عادي واكتر بس العبره هنا بقا. فين فينا احنا في اللي بيسمعها ويكبرها أو يصغرها حضرتك واضح من سردك المشكله انه بتركزي اوي وتعرفي تحكي كتير في كل شئ من باب انك بتواسي نفسك أو بتضيعي اليوم مع حد وبتكلمي بتلقائيه عادي زي اي حد ولا شك أنه حضرتك طيبه وادينا بنتعلم.
انا لاحظت انه حضرتك بتقولي بنقعد نرغي ونتكلم وحضرتك بتحكيلها كل شئ ليه يا فندم هو مش انتم الاتنين متحوزين وعندكم بيت وأولاد ومسؤوليات ليه وكله اصلا كلام نميمه ومكروه هي هترجع تضحك عادي في وجه جوزها وحضرتك مجرد بس كلام ستات وتسليه وضياع للوقت.
انا بقول لحضرتك اشتغلي على بيتك وحالك وعلى النونو دا واقرا كتير عن تربية الأطفال وكدا هتلاقي نفسك داخله على معركه لازم تكوني قدها مش معني معركه انها حاجه وحشه لا حاجه لازم نعد لها كويس اوي ومنشغلش دماغنا بالتفاهات.
جوز حضرتك معاكي وابنك ربنا يحفظه نركز بقا في حياتنا وبلاش كلام مع حد مش شبهنا ونضيع الوقت باسم بفضفض لأنه دي لو فعلا عاملك عليكي كانت نصحتك وقالتلك متكلمنيش كدا دايما كتير بيتك أهم وابنك أهم ولو موركيش حاجه نامي ارتاحي.
الصديقة الصح فعلا تكون راقيه وتقدر ظروف الناس وتعين صاحبتها على بيتها تقولك مثلا فيه جروب كيف تربى ابنك تقولك نصيحه مثلا تريحك في المطبخ غير كدا لا سواء معاها لو مع غيرها.
