انا محتاجه رأيكم، انا متزوجة وعندي ولد وبنت وزوجي بيشتغل في محافظة تانية وانا مدرسة؛ جوزي بيدخل في علاقات نسائية، كل فترة زوجي يدخل في علاقة مع واحده وانا اعرف واعمل مشكلة واسامح عشان خراب البيت.حاليا بعد كورونا هو هيرجع عندنا عشان هو اساسا مش موظف والدنيا واقفه بس لقيته بيكلم واحدة وانا عرفت وواجهته. فرد وقالي اصلي بودع حياة الغلط عشان هكون جنبك انت والاولاد.
وقعد يقولي سامحيني وانا مغلطش دا مجرد كلام والبنت دي مخطوبة وهو قالها أنه فيه بينه وبيني مشاكل، واحنا الحمدلله ما فيش بينا مشاكل والله، وانا شيلة مسؤلية الاولاد والبيت، وهو بيقولي انتي ست بمية راجل ومحافظة عليه وصيناه؛ وانا عارفه ان ده الطبيعي.
الصراحة انا مش قادره اسامح؛ تعبت من كتر المسامحة، قولولي اعمل ايه معاه؟
انا بفكر ادخل اهزق البنت، ولا ملوش لازمه؟
ثانيا هو بيقولي خدي ضمانتك لو عوزاني اكتب لك وصل امانة.
