مش بحب أمي خالص وأكره تصرفاتها

[محتار]

احنا ٣ بنات اخوات، هو انا ممكن ربنا مش يسامحني؟ لأني مش بحب أمي خالص عشان هي وحشه جدا ومش بتحبني، وبتحب اختي اكتر مني انا واختي الصغيره.

انا واختي الصغيره بنعملها كل حاجه، وجوزى كويس معاها، بيجيب اللي هي عايزاه بس ما فيش مرة تقف جنبي، واقولها تعبانه ومخنوقه.

مع ان اختي اللي هي بتحبها بخيله جدا يعني أنا واختي بنجيب اكتر منها.

انا أكره تصرفات أمي؛ هل علي إثم؟

[جناح طاير]

هي الفكره مش في مين بيجيب اكتر ومين اقل.

هي امك عملت اللي عليها وربتك وجوزتك، انتي اعملي اللي عليك بنية برها مهما عملت فيكي، لازم تبريها وتكون حاسة برضى داخلي، ونيتك ان عمرك ما تقصري معاها علشان بعد عمر طويل مش تندمي ولا تحسي بالتقصير.

وشوفي يمكن اختك الكبيره بتريحها وتهاودها فالكلام مثلا.