المحرر موضوع: زوجي يسخر من سمنتي  (زيارة 53 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

زوجي يسخر من سمنتي

« في: أيار 19, 2021, 03:35:13 مسائاً »
بالفعل؛ زوجي يسخر من سمنتي ووزني وجسمي، وجامد المشاعر. انا أُم لاربع اطفال، متجوزه من 17 سنة، مشكلتي والله انا متلغبطه، حالتي النفسية زفت من الضغوط اللي حواليا من بيت وعيال واكل وشرب، وجوزي جاف جدا معايا، هو بيحبني وانا كمان، بس من أسلوبه بقيت اشك أنه بقى يكرهنا على طول.

العيال بيعملو دوشه وهو بيحب الهدوء وأنا من كتر الزعيق والنرفزه ما بصدق اني اروح بيت ابويا ابات يوم ولا اتنين، زهقت من معملته الجافه، في حين اني اصغر اخواتي، واختي اللي اكبر مني متجوزه وجوزها بييجي معاها يوم تجمعنا، بتمنى لها الرضا وبيحترمها.

انا تعبت، حاسه اني خدامه عايشه بلقمتي بس، حتى العلاقه حسب مزاجه من يوم ما ولدت بنتي الكبيرة وهي سنها حاليا 13 سنة، مبينمش جنبي، هوا في اوضه وانا في اوضه بحجه أنه نومه خفيف. وبنتي الكبيره جرِّت بنتي التانيه، وبعدين ابني وبعدين بنتي الرابعه، لما خلاص تعبت، حاسه واحده عايشه في سن 36 في جسم الـ60.

زهقت زهقت بجد، عندي فراغ عاطفي وباتقهر لما بشوف وآحده جوزها بيدلعها ادامي.

أنا كل يوم باتمكيج وبلبس وبصبغ شعري، ولسه عامله لون، ووزني مش الاوفر، انا وزني 93 وسني 37، والحمدلله جميلة مش اللي هو اوي بس الحمدلله بتمتع بقدر كبير من الجمال.

على طول باسمع كلام يسم البدن، زي بصي كرشك، شيلي لحمك ده، هتودي كل ده فين، قومي هزي نفسك، وانا بكون خلصت من خدمة عيالي، تعبت، وهو شخصيه جامده جدا وعصبي اوي.

انا آسفه اني طولت عليكم بس معلش حبيت افضفض؛ استحملوني، اعمل ايه؟

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: زوجي يسخر من سمنتي

« رد #1 في: أيار 19, 2021, 03:40:34 مسائاً »
انتي اهتمي بحالك، اعملي اشياء بتحبيها اجلتيها بسبب الحمل والولادة والالتزامات، اطلعي مع أولادك رحل تخييم وغيره...

احكي مع زوجك وتفاهموا، لو ما وصلت المعلومة شوفي كبير العيلة يحكي معه.

اعملى نظام غذائي وممارسة رياضة واهتمى ببشرتك عشان نفسك، وافضلي ادخلي اوضتك اقفلي على نفسك، انزلي اتمشي، فرغي غضبك وتفكيرك في المشي، لازم يكون عندك إرادة قوية تعملى ده.