زوجي بيكلم زوجة اخيه باستمرار

[محتار]

انا متزوجة ولدي طفلة؛ زوجي بيكلم زوجة اخيه باستمرار اكثر مني، وهي كانت تقولي لي انه يخبرها بأسراره، وهي طبعا تخبره بعلاقتها مع زوجها وكل شيء.

وسالته مره انت ليه بتكلم مرات اخوك؟ وبعديها كلمها وقالها ماتردش عليا وما تكلمنيش، وقال لامه، وانا باتصل بأمه كتير متردش عليا ابدا.

مشاكل الزوَّار

[مستشار]

كده في حاجه غلط لازم تتصلح الامور. فين اخوه وفين العيله الموضوع ممكن يزيد ويحصل غلط من جوزك ومرات اخوه... ده حرام وعيب

[جناح طاير]

بصي واضح انك غيرانه عل جوزك بذات ان علاقته بمرات اخوه كويسه وشكله بيعزها وهو حاسس انك غيرانه منها عشان كده بيهاجمك.

حاولي تقربي من اهل جوزك اكتر وصاحبيها هي مش ممكن تكون فعلا كويسه وتكونوا صحاب واتعمدي تشكري فيها قدام جوزك وبلاش الافكار الشيطانيه ديه وسوء الظن عيب ديه مرات اخوه يعني شرف وعرض اخوه اوعي واحذري انك تحسسيه او تقولي كده معاه لانه حيكرهك وحتحصل مشكلة كبيرة.

[إنسان حر]

اختي الكريمة؛ هاقولك نصيحة بسيطة.

إياكِ تتكلمي عن اي واحدة في العيلة امام زوجك وخصوصا أقاربه لان بكدة بتخليه غصب عنه يفكر فيها بدون اي قصد.

فانتي متتكلميش خالص عن زوجه أخيه أمامه ولا كأنها موجودة.. هو اتكلم ماشي غير كدة لا.

وعامليها عادي طب ماهي جت حكتلك انها بتحكي لجوزك ما يمكن وخداه اخ ليها وبتحكيله.

خلي نيتك حسنة.

أصلح الله حالك ووفقك