انا منفصلة وام لطفل، صغيرة في السن كمان. كل مشكلتي في الحياه كلها أمي، حقيقي بتعملي توتر عصبي ونفسي من وانا لسا بنت. طول الوقت مخوفاني من الناس كلها لدرجة لما جالي طليقي وافقت عشان اهرب منها ومن ضغطها عليا، ده غير ابشع الالفاظ الي بتقولهالي، وطول الوقت تدعي بالفضيحة وان فضيحتي تلف العالم، وانا تعبت من كلامها ودعاها، اقسم بربي على أتفهه أتفهه الأسباب تدعي، لو مثلا الشاي نقص سكر تدعي؛ لو نسيت اغطي بنتي تدعي.
ده غير التفرقه بيني وبين اخويا طول الوقت، من وانا ١٥سنه مخلياني مسئوله عنه وهوه بيستخسر فيها الجنيه، مع العلم برضه أنها بتحكيلي كل حاجة عن مشاكلها عشان احلهالها، وانا اكتر واحده شايله معاها الهم وبرضه مش عاجب، وتسوّء صورتي قدام صحابها وتغلط فيا.
وتقلي مش كفايه شايله قرفك انتي و بنتك، ده غير مش عارفه اربي بنتي خالص بسببها.
كمان انا أمي شقيانة ومكافحة علينا، وعشان كده انا اللي شيلاه معاها اوي وبرضو عمرها ما قدرت، وبتبدي اخويا عليا عيني عينك قدامي، اهم حاجه بعد ربنا في الكون هوه وبس.
اسفه اني طولت بس والله عندي اكتر واكتر وتعبت.
وخايفه من دعاها لاني انا من كتر خنقتي بروح مصوته واتصرف تصرفات مش طبيعية، بكسر حاجات، ولما اهدأ واعيش في هدوء بحب الدنيا وبحس بفرحة كده جميلة.
