المحرر موضوع: خطيب بنتي مش بيغسل أسنانة ولا بينضف نفسه نضافة شخصية  (زيارة 68 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي
بنتي مخطوبة لشاب محترم وكويس وابن ناس وكل حاجه، بس مشكلته مش بيغسل اسنانه. وقبل كده كان في وسط كلام وقال انه مش بيغسلها خالص. مش عارفه كسل ولا فيه حاجه بتوجعه.

وبردو عرفنا انه مش بينضف نفسه نضافة شخصية وكنا شفناه في المصيف كده. وينتي جميله ونظيفه جدًا وهيا مدايقه جدا ومش عارفه تقوله ازاي.

يعمل ليزر مثلا لو الحلاقه بتعمله مشكله او يعمل تنظيف اسنان؟

خايفه تحرجه وفي نفس الوقت المواضيع دي مدايقاها، وطبعا خايفه بعد الجواز تبقى الامور اسوأ.

ياريت حد يقولي نعمل ايه.

جناح طاير

  • Sr. Member
  • ****
  • مشاركة: 265
    • مشاهدة الملف الشخصي
ممكن تلفت انتباهه بطريقة لطيفة، يعني مثلا تجيبله فرشة سنان ومعجون وشاور وبرفان ومكنة حلاقة وتحطهم في بوكس وتديهملوا هدية.

مستشار

  • Sr. Member
  • ****
  • مشاركة: 362
    • مشاهدة الملف الشخصي
ممكن تفهميه بالذوق انتي وبنتك، يعني مثلا دايما تتكلموا قدامه عن النضافة الشخصية وتتكلموا عن نضافة اسنانكم وانها بتوجعكم وشكلها بيكون وحش لو متغسلتش باستمرار وانها بتخلي ريحة النفس وحشة.

كدا يعني..

حاجات من دي يمكن يحس ويغير من نفسه.