انا كنت يتيم الوالدين وتزوجت من اكثر من ١٢ سنة من مهندسة زميلتى بالعمل، واحببتها وكانت تكبرنى ب ٦ سنوات، حبيت انى لا أفكر فى فرق السن، وزملاء كتير حذرتنى وقالولى هتتعب وناس تانية شجعتنى. ربنا رزقنا ببنت وبعد كده بفترة دخلت سن الياس.
المشكلة انى صبرت نفسي ومشيت حالى، بس بقت تنام مع البنت فى سريرها وانا انام فى غرفة ثانية، واستمر الوضع لمده ١٠ سنوات، وانا باخد حقي الشرعي بعد الطلب اكثر من مرة.
مبحبش اجرح شعورها بس بدأت احس بالم نفسي شديد واحساس بالنقص. وحدثت اكتر من مشادة بسبب الموضوع ده وكل يوم بحجه شكل للتهرب.
فكرت اني اعدد لانى تعبت نفسيا ومش عاوز اعمل شيء يغضب ربنا، بس فى نفس الوقت خايف على البيت ومش عاوز اعمل مشاكل تؤثر على بنتى.
انا تعبان نفسيا وندمان انى عملت كده.
رغم انها طيبة ومتعلمة بس بتقصر فى حقوق
الزوج، وايضا اوقات بتضيع وقت الصلاة وكتير بواجهها بس بتزعل وبتخانق.
هى طيبة، وبنتها كل شيء فى الدنيا. ومخلياها تحبها اكتر منى بكتير.
مش عاوز منكم غير نصيحة بدون تجريح ودعوة ان ربنا يصلح الحال.
