احنا ٣ أولاد اخوات وانا أصغرهم. من صغري مش عاجبني وضع العيلة واخواتي، وشقّيت طريقي وعملت نفسي واتجوزت وخلفت ومحدش ساعدني حتي بجنيه بالعكس انا اللي بساعد على الرغم اني ساكن ايجار بره.
أبي قام ببناء شقة للكبير وجابله
العفش والشبكة وكل حاجة، وحاليا هو اللي بيصرف كمان بحجة ان اخويا ساكن فوقه ومراته اللي شايلة البيت، بعدها باع أرض وجوز أختي وصب لأخويا التاني العمدان والسقف وهو كمل الباقي.
انا الحمد لله كنت ميسور لكن حصلتلي ظروف ومبقتش مستحمل الايجار.
ناس كتيرة قالتلي سايب الملك وساكن إيجار ليه روح ابني في بيت أبوك، انا معايا مبلغ ميبنيش ربع الشقة، روحت لأبويا أفتح معاه كلام وآخد رأيه لقيته مش في دماغة وقالي اصبر وبتاع،
دلوقتي خايف أروح ابدأ شغل باللي معايا وأبويا ميساعدش وأتورط.
ومن الناحية التانية خايف أبويا يحصله حاجة وأخواتي يقفولي لما آجي أبني ويمنعوني، مبقتش عارف أعمل إيه وحاسس انهم راميين طوبتي ومش فارق معاهم.
