انا متقدملي شاب من سني معه معهد كمبيوتر خاص وانا في تانية كلية، دا مش مهم طبعا المهم. الولد اخلاق والكل بيشكر فيه، بس مش بيصلي ومش بيشرب حتى السجاير، ودي حاجة حلوة.
دلوقتي اتقدملي، هو من بلدي، اتقدملي وهو موافق اكمل تعليمي، بس هو قالي ان أمه وابوه مش راضيين اكمل تعليمي، قلتله ماليش دعوه انا مسؤولة منك انت، وهقعد معاك انت مش مع امك ولا أبوك الكلمة كلمتك انت قالي مقدرش ازعل اهلي مني من اولها.
فانا مش عارفه اعمل ايه خاصة انه اخلاق، وغير كدا عندهم بهايم، وانا معرفش في شغلها وخايفه اتجوزه امه تتحكم فيا وهي اللي تديني مصروفها.
مع العلم صليت استخارة، وحلمت ان في قطار على السكة الحديد كتير جدا، كل قطر ماشي في اتجاه وفي شابين ميتين ومرميين جنب الحيطة، ومحدش عارف مين اللي قتلهم.
اسفه ع الاطالة، وممكن حل لموضوع ده؟
انا برضه من الارياف بس لاعندنا بهايم و لا غيطان، الولد كويس جدا، انا فكرت ان في القسيمة في بند الشروط الخاصة، احط ٥ شروط:
١. اكمل تعليمي.
٢. بعد التخرج لو جاتلي وظيفه حكومية هشتغلها.
٣. اقعد لوحدي في شقتي.
٤. شغل البهايم ماليش دعوة بيه.
٥. امه وابوه مالهمش كلام عليا ولا يتحكموا فيا.
