صديق بيسأل: ممكن اجيب ايه في حدود ٧٠ الف يخش اوبر وكريم؟! شوف يا غالي؛ صعب بمبلغ ٧٠ الف تشتري عربية تدخل بيها اوبر وكريم. هتضطر انك تجيب لانوس او فيرنا. والعملاء عندنا لما يطلب اوبر ويلاقي فيرنا او لانوس بيكنسل الطلب.
انت عايز يا إما النترا او لانسر من ٢٠٠٨ او ٢٠٠٩ وانت طالع، لان ممكن اوبر تيجي تلغي بعض الموديلات القديمة زي ما عملت من فتره ولغت موديلات كتيره لغاية ٢٠٠٨ ومتضمنش هيحصل ايه في الأيام اللي جايه، ممكن تعلي الموديلات.
فنصيحة، اشتري حاجة عالية وطبعا مش معاك غير ٧٠ الف فهتضطر انك تستلف او تعمل جمعية او تقسط، وهنا المصيبة، لأنك ممكن ما تستحملش شغل اوبر -وهو فعلا مبقاش جايب همه- هلك للعربيات وهلك للصحة وفي الاخر على الفاضي (بناء على رأي البعض) واللي هتحوشه هتصرفه صيانات عفشة وكمان
كاوتشات وحاجات هتتطلعلك بسبب شوارعنا الجميلة.
فكَّر الأول او اشتغل شفتات على عربية افضل وشوف هتتحمل ولا لا، وبلاش أقساط علشان الحبسة وحشة.
