انا عندي مشكله وأريد اخذ رايكم؛ انا مطلقه من اربع سنين، وجوزي ده كان بيشرب مخدرات ويشتغل يوم ويوم لا، بس كان بيكون معه فلوس، كان بيشتغل في الخردوات.
المهم قرفت منه، كان يشتغل همه على شربه والقرف اللي كان بياخده، والبيت والعيال ممكن يمشوا باي حاجه، المهم قرفت منه وجه طردني، ولما مشاني فكر اني هغضب ويرجع ياخدني، بس اللي حصل اني رفضت ارجع، وعمل مشاكل معايا ومع اهلي،
واخوانه طبعا كانو بيشاكلوني وكانو بييجو يشتمو تحت البيت، حاجه تقرف، المهم نشفت دماغي اني مارجعش ورفعت قضية خلع، وبعدها اخدت العيال بعد برده قرف، ونزلت اشتغلت، وبقالي اربع سنين عايشه مع عيالي، والحمد لله اشتغلت واتمرمط لما عملت بيت لي، وكنت بشتغل 12 ساعه في اليوم، وتعبت بصراحه.
المهم هو اتبهدل واهلو كانو بيطرده على طول، عشان كان بيشكيلهم عشان هو كان بيتهمهم انهم السبب، والحقيقه كلهم السبب مش اهله بس، المهم دلوقتي عيالي ضاغطين عليا عشان ارجع، نفسهم يعيشو مع ابوهم، وانا قولت اجرب بس بشروطي، وحطيط حاجات كتير، بس انا اخواتي رافضين وبيقولولي انه مش هيتغير واللي بيشرب مش بيتغير، ورفضوا، وكل واحد عوز يتبرأ مني ويسلتو ايديهم، بمعنى اصح: انا دلوقتي اعمل ايه ؟ أفيدوني؟
