انا عندي مشكلة، بكره اخويا لدرجه اني لو الموت مش حرام كنت موته، بكرهه كره مكرهتهوش لحد. بيضرب أمي وبيهينها، وابويا كمان، وبيضربنا، ومحدش قادر عليه، كل يوم بيفضحنا وسط الجيران، وختمها انه كنت باخد شاور في الحمام بص عليا من شباك الحمام، دخلت في حاله هستريا من صراخ وضرب علي وشي، كنت هموت نفسي، اتكسرت بقيت اقرف ابص في وشه، نفسي اموته، نفسي ربنا ياخده.
والكل بيتهمني اني جاحده عشان مبكلمهوش وقلتله متحضرش فرحي، ولو مت قبل فرحي متحضرش جنازتي، ولو حضرت فرحي هاكسفك قدام الناس كلها، انا مش قادره حتى اسمع صوته في البيت، باموت كل دقيقه والله.
انا كده يعني جاحده صح؟ وربنا هيحاسبني!
هو عنده ٣٧ سنه، وهو وحيد على خمس بنات، وامي وابويا مش قادرين من كتر الدلع اللي دلعهوله، ده مش بيشتغل وبياكل قوتنا، احنا واخواتي فاتحين محل بنبيع منتجات تجميل وبنصرف في البيت، ومعاش ابويا الحمدلله مستوره، بس هوه بقى بياخد فلوس غصب عننا وبيقول انه ليه في المعاش، انا الوحيده اللي باقف له، واخواتي بيخافوا منه، بس انا طاقتي خلصت ومش عارفه أمه خايفه عليه ولا خايفه عليا، بتقولي ممكن يديلك ضربه تموتك.
وامي زعلانه مني بسببه، انصحوني لو حد مكاني هيعمل كده او اكتر..
