انا متجوزة من ٧ سنين، وجوزي بيسافر، وانا موظفة والحمد لله مكفية نفسي انا وابني، ومش بطلب منه حاجه ولا هو بيبعتلي قرش، والغرض انه يوفر مبلغ علشان ينزل يفتح مشروع في مصر ونستقر.
المشكلة ان اهله مش بيبطلوا طلبات منه، ودايما بيبعتلهم فلوس، وكل شوية يطلعوا بحوار جديد، زي: أمك تعبانه ، ابوك عايز علاج ، ابعت فلوس مصاريف للبيت ، ابعت نسدد ديون علينا ، وهكذا.. مع العلم ان حالتهم المادية كويسة ووالده يمتلك ارض ٢ فدان وبيقبض معاش.
دا غير
أخت زوجي كل يوم تتصل بيه تقوله انا ظروفي وحشه، ابعتلي فلوس، ابعت لعيالي لبس، ابعتلي تليفون ايفون، بالرغم ان جوزها مسافر وبيبعتلها كل حاجة.
انا مش برضي اتكلم علشان مشيلش ذنب او اوقعهم في بعض؛ وجوزي مقتنع ان اهله لهم الحق في كل قرش معاه.
سؤالي / افضل ساكته واسبيها لله ولا اعمل مشكلة مع جوزي علشان يحافظ على فلوسه ويوفر اي مبلغ علشان نستقر؛ انا مبقتش طايقة اهله وبالاخص اخته لانها انسانه طماعه وانانية.
