جايه احكيلكم مشكلتي واعتبروني زى اختكم؛ انا مخطوبة لواحد سنة ونصف، وربنا يعلم ان السنة ونص دول انا واقفه جنبه في كل حاجه، بيحوش معايا عشان يجيب العفش، وبنجيب العفش حاجه حاجه، والشقه مؤقت والعفش قسط وما قلتش حاجه، وما تكلمتش.
مستحملاه ومستحمله ظروفه ورضيت، اكتشف بعد سنه ونصف ييقول لجوز اختي انه كان كاتب كتابه على واحده بيصلح مشكلة ابن عمه، وقعد شهرين وطلقها، بس ما عملش حاجه، كان كاتب كتاب بس، واكيد دلوقت هيقولي.
انا مش عارفه اعمل ايه، انا كل المشكله دلوقتي الكدب، انا كدب عليا و جاي يقولي دلوقتي عشان عارف ان الموضوع في كتب الكتاب هيتعرف ان هو كان متجوز قبل كده، بس مش عشان يصارحني.
قولولي اعمل ايه، انا مخنوقه منه جدا، مش قادره اكمل معاه، اللي كدب مره هيكدب الف مره، جاي يقولي بعد سنه ونصف خدهم من عمري بعد ما جبت العفش ونقيت كل حاجه واتعشمت بيها، انصحوني اعتبروني اختكم.
بيقول ان ده حصل من قبل ما يخطبني.
