المحرر موضوع: هل ممكن مدير البنك الاهلى يقدر يسمح لنا بسحب مليون جنيه مرة واحدة  (زيارة 61 مرات)

مستشار

  • Sr. Member
  • ****
  • مشاركة: 358
    • مشاهدة الملف الشخصي
سؤال/ هل أي مدير فرع من فروع البنك الاهلى عندة سلطة يقدر يسمحلي اسحب مليون جنية كاش من حسابي مرة واحدة ولا ميقدرش؟

لان قرار البنك المركزي: سحب 50 الف فى اليوم فقط؟ بسبب حدوث ظروف طارئة عندى تستلزم سحب هذا المبلغ سريعًا وتسديدها لاحد الاشخاص ليس له حساب في اي بنك ولا يتعامل مع البنوك اساسًا ولا يريد التعامل بشيكات ويريد المليون جنية كاش ومرة واحدة.

وانا فكرت انى اوسّط رئيس الحى الذي به فرع البنك وهو قريبي اوسطة عند مدير البنك عشان يسمحلى اسحب المبلغ مرة واحدة يوم الاحد القادم، بس قالى اسأل الاول واستفسر عن هل من حق مدير البنك قانونا يسمحلى اسحب المبلغ كاملا ولا لأ.

حد عندة معلومة بهذا الخصوص؟

إنسان حر

  • Hero Member
  • *****
  • مشاركة: 547
    • مشاهدة الملف الشخصي
للأسف مافيش امكانية بواسطة او غيرها، لان ده قرار البنك المركزى، اكيد المدير مش هيؤذي نفسه عشان خاطر واسطة.

الحل الوحيد انه بعمل حساب وتحول الفلوس عليه او تعمله شيك.


الحكومة بتعمل كده ليه؟:
اولا: موضوع عدم سحب الفلوس ده موجود في كل حته في العالم و احنا اللي متأخرين علشان غسل الاموال ولو حضرتك رحت تعمل ايداع لازم هيسألك جبتهم من فين و لو هتسحب هيسألك حتعمل ايه بالفلوس لان النقديه يعني فلوس بدون مصدر لكن الفلوس اللي ليها مصدر موجوده في البنوك.

ثانيا: ده بيضيق الخناق علي تجار المخدرات و السلاح و الدعاره و المرتشيين اللي عنده فلوس لا تتناسب مع دخله و ده في مصلحه الجميع.

ثالثا: اي حد بيتاجر او بيعمل شغل بدون دفع ضرائب حيدفع ضرائب و بالتالي زياده حصيله الدوله الدوله و حينعكس علي المواطن.

رابعا: ادخال الاقتصاد الغير رسمي الي الاقتصاد الرسمي سيؤدي الي رفع معدل GDP و بالتالي تحسن كافه مؤشرات الاقتصاد و منها معدلات الدين و بالتالي ستدفع تلك المؤشرات الي زياده الاستثمارات الاجنبيه.