انا معجب ببنت وعاوز اكلمها واخطبها.. شاركوني رأيكم

[محتار]

دلوقتي يا جماعه انا ٢٠ سنة؛ طالب سنة تانية معهد فني صحي ومعايا بنت معجب بيها؛ هيه محترمة.

بس انا حاليا مش هينفع اخطب لان فيه جيش سنة ونص وتكملة كلية 3 سنين.

هيا ليها اخ كبير لسة خاطب واخت اكبر منها لسه ما اتخطبتش؛ وهيه احتمال تكمل برده؛ بس ممكن تتخطب في اي لحظة.

بس انا عايز اعرفها اني معجب بيها. المهم بعت من اسبوع من ايميل فيك، عملت بلوك، هل اخد خطوة وادخلها واتس او ايميلي الحقيقي واعترفلها؟

وبنت عمتها معانا في المعهد قدنا ممكن ادخلها تساعدني اعرف منها لو مرتبطة او هيا رافضة فكرة ان احنا نعرف بعض اكتر مثلا.. انا نيتي خير بجد وخايف تضيع مني.

[إنسان حر]

ما تدخلش حد؛ لا بنت عمتها ولا حتى صديقة. انت كده بتظهر موضوع لسه بعلم الغيب.

اتكلم انت بنفسك شخصيا للبنت اللي حبيتها.

او ابعتلها رسالة وضح مشاعرك؛ والظروف والتعامل يكون بحدود عشان سمعتها؛ لو فعلا بتحبها وخايف عليها.