المحرر موضوع: سبب انعدام التبريد في الثلاجة من تحت  (زيارة 28 مرات)

مستشار

  • Sr. Member
  • ****
  • مشاركة: 279
    • مشاهدة الملف الشخصي

سبب انعدام التبريد في الثلاجة من تحت

« في: أيار 22, 2021, 11:51:22 صباحاً »
رد سؤال: انعدام التبريد في الثلاجة من تحت: توشيبا نوفروست بالشرح والتوضيح.

اول حاجه لازم نبص عليها كاوتشه الباب نشوف فيها قطع او تسريب نحاول نعالجه يعني لو لقينا كاوتشه الباب مفارقه مسافه اقل من نصف سم ممكن نجيب قطن ابيض ونلفه بين ايدينا ونحطه تحت الكاوتشه هيرفعها ويخليها تلزق مكانها ولو لقينا الكاوتشه ناشفه ممكن نسخن ميه ونحط عليها خل ابيض ونغسل بيها الكاوتشه هتطري و تلزق مكانها.

ثاني حاجه هنبص عليها هي مروحه الفريزر لازم نتاكد ان هي شغاله بعد كده هنبص على الترموستات اللي في الكابينه من تحت نشوفه مضبوطه على كام
ونزوده علي اعلى درجه ونتابع بأيدينا كده نشوف فتحات الهواء اللي نازله في الكابينه من تحت نشوف فيه هوي نازل الكابينه من تحت ولا لأ دي خطوه مهمه لازم نعملها.

واذا لاقينا ان ما فيش هواء نازل للكابينه من تحت يبقي كده خلاص عرفنا انك المروحه شغاله فوق يبقي كده فيه ثلج سادد ممر الهواء اللي المفروض ينزل تحت.

اول حاجه هنعملها بعد كده هنبص على حوض الصرف اللي وراء فوق الموتور الثلاجه التوشيبا متقفله من ورا هنفك الصاجه اللي مقفله الجزء بتاع الموتور و هنبص على الحوض اللي فوق الموتور حوض الصرف.

لو لقينا الميه اللي فيه قليله او مش موجوده جاف خالص يبقى كده اتاكدنا ان الصرف مسدود.

هنفصل الثلاجه مده ما تقلش عن ثلاث ساعات وممكن نحاول نسيح الثلج اللي قافل ممر الهواء ده عن طريق اننا نحط ميه سخنه في الفريزر ونحاول نميل الثلاجه الى وراء يعني نحط تحتها حاجه من قدام او نرفع مسمار ريجلاش الثلاجه اللي من قدام دي علشان نسهل عمليه الصرف.

وممكن نحط ميه من فتحات السحب اللي في ارضيه الفريزر اول لما بنفتح باب الفريزر.

المهم بأي طريقه نتاكد ان خلاص الثلج ساح.

لو لقينا فيه اجزاء زجاج بتنزل في مياه الصرف يبقي كده سخان الثلاجه الزجاجي تالف ولازم يتغير لازم نتصل بفني.

وبعد ما اتاكدتا ان الثلج كله ساح ومية الصرف نازله مفيش اي مشكله هنشغل الثلاجه ولو العطل اتكرر بعد وقت قريب لازم فني يفك الفريزر و يسلك حوض الصرف ويقيس دائره الاذابه ويكشف على بوابه الهواء.

ودائره الاذابه في الثلاجات التوشيبا النوفروست متكونه من سخان زجاجي وتايمر وثرموديسك.

في النهايه عطل عدم تبريد الثلاجه من تحت سببه بالترتيب
1. مروحة الفريزر متوقفه.
2. كاوتشة الباب منفسه او مقطوعه.
3. الصرف مسدود ومية الصرف متجمده في حوض الصرف ومانعه التبريد ينزل للثلاجه من تحت.
4. عطل في دايرة الاذابه سخان او تايمر او ثرموديسك وفي معظم الاحيان بيكون سخان لانه زجاجي وعمره الافتراضي مش طويل اوي.
5. بوابة او دامبر الهوي اللي نازل للكابينه فيه مشكله ومانع نزول الهوي البارد للثلاجه من تحت.

اقتباس
شكرًا للمهندس عمر أمين Omr Amin