المحرر موضوع: سرقت ذهب من بيت زوجي.. هل ده غلط ولا صح؟  (زيارة 30 مرات)

محتار

  • Full Member
  • ***
  • مشاركة: 227
    • مشاهدة الملف الشخصي

سرقت ذهب من بيت زوجي.. هل ده غلط ولا صح؟

« في: أيار 22, 2021, 12:09:21 مسائاً »
انا تزوجت من رجل أرمل وعنده اولاد، وانا كمان عندى بنت، عاملت اولاده بما يرضي الله وهو كمان عامل بنتى كويس، فى اول سنه جواز شفت مشاكل محدش يتحملها، لان الاولاد جدتهم من مامتهم كانت بتحرضهم عليا. المهم استحملت وقولت مع الوقت هيفهمو ويحبونى، كلهم حبونى ماعادا الولد الكبير، كل ما يروح عند جدته بيجى مقلوب عليا وبيخلينى عايشه فى مرار.

انا خلفت ولد وكنت بستحمل العيشه علشان خاطر جوزى، كنت شايفه انه حنين وطيب، لحد ما فى يوم بالصدفه لقيت رساله جايه له على التليفون من واحده، بفتحها، لقيت فى ما بينهم علاقه الى اقصى حد، كانت صدمتى كبيره، يعنى انا مستحمله القرف والمعامله من ابنك علشان خاطرك تتطلع بتخونى.

المهم حصلت مشكله كبيره وقطع علاقته بالتانيه، وعشت معاه ، المهم ان بعد فتره اكتشفت انه شارى ارض باسم اولاده، ولما سالته قالى انه شاري لهم من دهب امهم، باعه، وكان طالع لهم فلوس من معاش امهم، فهو اشترلهم الارض دى، وكل مره تحصل مشكله بينى وبينه يقولى هكتب كل حاجه باسمهم علشان لو جرالى حاجه.

المهم، انا وانا بنضف لقيت لفه هو مخبيها، لقيت فيها دهب امهم، واخدته، لانه ظالمنى انا وابنى وهو باعتراف منه انه باع الدهب علشان يشترلهم الارض، مع العلم انا مقدرش اقول عليه بخيل، طلبات البيت كلها من اكل وشرب بتيجى وزياده، لكن طالبتى انا الشخصيه تكاد تكون ما بتجيش، خالص انا كده غلط ولا صح؟

مستشار

  • Sr. Member
  • ****
  • مشاركة: 279
    • مشاهدة الملف الشخصي

رد: سرقت ذهب من بيت زوجي.. هل ده غلط ولا صح؟

« رد #1 في: أيار 22, 2021, 12:13:20 مسائاً »
لاحرام مش من حقك تاخدي دهب امهم، وهو حر يشتري ويبيع.

ورجعيه واتقي الله واكثري من الاستغفار والصلاة على الرسول؛ والله يصلح احوالكم ويسعدكم.