أول نصيحة بجد وانت بتعمل خطوات الفحص والترخيص للعربية بتاعتك؛ روح هناك الساعة 8 الصبح، اول حاجه تجيب ورق فحص ٣٠ جنيه، وتخش فحص وترفع بصمه. خلصت فحص، تخش تجيب شهادة مخالفات وتختمها ختم استعلام امني ٢٠ جنيه، لو معندكش مخالفات.بعد كده تخش على كشك امان حتدفع ٦٧٠ جنيه. وبعد كده حتجيب ملف ملاكي بـ ٩٠ جنيه، وورق طفاية، وتروح لبتاع الطفاية يشوف الطفاية، لو سارية هيختم الورق، لو منتهية هتغيرها بـ ٣٢٠ جنيه، وبعد لما تخلص كل ده.
هتروح علي الشباك تسلم كل الورق ده وتكون مصور البطاقة والرخصة صورتين. ومن الشباك هتديك ورق تدفع بيه تأمين إجباري ٣١٥ جنيه، وترخيص بالفيزا، لو ٣ سنين ٣٠٦٠ جنيه، وبعد كده ترجعلها. تراجع الورق وتديك وصل لاستلام الرخصة.
وشهادة
المخالفات هاتها من اي بوسطة بلاش تجبها من المرور.
وبس كده، بالتوفيق.
