انا مخطوبة وحصل بيني وبين خطيبي تجوازات، وعارفه أنه غلط وحرام، والحمدلله قربت من ربنا، وبادعي أنه يسامحني، ادعولي؛ انا عارفه اني محتاجه القتل بس غصب عننا.
المهم ان أختي الصغيرة شافت المحادثة بتاعتي انا وخطيبي، وفيها الكلام القديم وفيها صور كنت ببعتهاله، وصور هو ما بيبعتهالي، اكيد انتوا فاهمين..
انا كرهت نفسي والله العظيم، بس انا كنت في غيبوبة، والحمدلله فوقت، وخطيبي لسه معايا، وندم هو كمان، وبيتأسفلي دائِما على اللي حصل، وبندعي ربنا يجمعنا في الحلال.
أفيدوني اتعامل مع اختي ازاي، بالاضافة الى أنها بدأت تطول لسانها عليا، وتقولي كلام وحش وتغلط، وبتهدد، اتصرف ازاي معاها بعد الحاجات اللي شافتها؟
