انا اول مرة احس يعني ايه ظلم، اول مره اتظلم اول مرة اعرف يعني ايه قلبي واجعني، اول مرة احس بالكسرة، حقيقي اتكسرت فرحتي بعد ٣ سنين خطوبة، وقبل فرحي بكام شهر افتكر اني وحشه وما انفعش عشان زنقته انه يبدا يجهز الشقة، اتلكك على خناقة وسابني بعد سنين ضاعت معاه بعد الوعود بعد ما استحملت كل ده، وسيرة اهله الوحشه وقولت مش هاخده بذنبهم بعد ما وقفت جمبه بقيت وحشه في الاخر.
بتعصب زيّ زي اي بشر، ليه عمل فيا كل ده، مرضتش اسيبه رغم ان كان بينا خناقات اكبر من دي، وكملت عشان بحبه.
عملي بلوك وخلاص كده، حاولت بكافة الطرق موافقش كأن ما صدق، انا من صدمتي جالي سكر وتهتهة في الكلام، وتبول لا ارادي.
وانا متجهزه وعمري ضاع، كل حد اقعد معاه احكيله من وجعي، انا خمس شهور بموت حرفيا، وهو عايش عادي كل صحابي بقوا امهات ويقولولي سبيه وانا مكمله بردو لحد ما وجع قلبي في الاخر؛ يرضي مين ده.. حسبي الله ونعم والوكيل.
