ردًا على سؤال أخ فاضل، قال فيه، ممكن حد يفيدني لو هشتري
عربية مستعملة وهستلم المفتاحين بتوعها، ايه اللي يضمنلي إن مفيش نسخ مفاتيح تانيه معمولة على المفاتيح، وبعد ما اروح بالعربية ابص ألاقيها بقت مش موجودة. ايه الإجراء اللي المفروض أعمله عشان اطمن من حاجه زي كده ولو المفاتيح ممكن تتغير بيكون ازاي؟
وهنا يا أخينا الغالي نقول لك؛ ان فيه جهاز بيركب في العربية معاه قطعة بلاستك بتركب في ميدالية المفاتيح بتعتك بتفضل العربية كلها لما تبقي بعيدة عنها، لما تشتري العربية ابقى ركبها؛ ثمنها لا يتعدي الـ ٣٠٠ جنيه دولوقتي.
ممكن تشتريها من أي حد بتاع كماليات سيارات محترم، والمربوطة بالتلفون هتبقى في حدود ١٢٠٠ جنيه لان فيها GPS location يتحدد مكان العربية، بتسمع المتحدث داخل العربية.
بتقدر تبعت رسالة من تلفونك تعطل فيها العربية في مكانها لو لا قدر الله انسرقت.
أهم حاجة اللي يركب الحاجات دي يبقى متخصص ومحترف.
