مشكلة صديق يقول؛ انا مقدم طلب تحويل للنت الارضي من شركة we لشركة اورانج؛ باكلم اورانج يقولوا قدمنا الطلب و we هما اللي مش عايزين يلغوا. اكلم we يقولوا مفيش طلبات متقدمة..الرد:
روح الفرع اطلب إلغاء الخدمة؛ هيدفعك غرامة إنهاء التعاقد لو الراوتر واخده ايجار ومعداش عليه سنة، لو عدى عليه سنه يبقى خلاص.
هتدفع اي مبالغ متأخره وهيحولك لشباك تاني عشان تمضي على استمارة الالغاء، وسبب الالغاء، وهيقولك رقم الالغاء هيطلع بعد ٥ ايام عمل.
خلال الـ٥ ايام عمل هيجيلك مكالمة على الموبايل من طرف
شركة وي في محاولة منهم انك متلغيش الخدمة وهيعرضوا عليك خصومات وحاجات كده، ارفضها، وأكد معاهم انك عاوز تلغي.
بعد ٥ ايام عمل هيجيلك رسالة على الموبايل ان تم فصل الخدمة عن رقم التليفون الارضي.
اتصل بيهم وقولهم كده: مساء الخير، انا قدمت على الغاء
الإنترنت الأرضي وجالي رسالة بفصل الخدمة وعاوز رقم الالغاء. هيديهولك. وخليك كلاس في المكالمة متبقاش هجومي. ادي رقم الالغاء لاورانح وبس كده.
ولو حصل أي تعقيد كلم ١٥٥ واحكيلهم الموضوع.
