المحرر موضوع: إجراءات إنهاء ورق الجيش بعد سن 30 سنة  (زيارة 32 مرات)

إنسان حر

  • Sr. Member
  • ****
  • مشاركة: 349
    • مشاهدة الملف الشخصي

إجراءات إنهاء ورق الجيش بعد سن 30 سنة

« في: أيار 23, 2021, 04:16:31 مسائاً »
أحد الشباب يسأل عن كيفية إنهاء إجراءات ورق الجيش بعد سن 30 سنة؛ ويقول: دلوقتي انا كسرت الـ ٣٠ سنة، وللاسف مقدمتش على الجيش لظروف خاصة بمرض والدي، وتوفاة الله من ٤ شهور. وحابب اخلص ورق الجيش، بس فيه كلام كتير ان بقى اكتر من ٣٠ عام. الآن عايز حد يكون عملها قريب يفيدني، ويقولي بالتفاصيل اعمل ايه.

ايه الخطوات، و كام المبلغ اللي هيطلب ؟

الرد

السن لم يتغير، 30 سنه زي ما هو. هتعمل فيش الأول وتروح بيهم منطقة التجنيد اللي انت تبعها ومعاك صور والمؤهل لو موجود، وانت هناك هيدلوك تعمل ايه جوه، غالبا هتسيب تليفونك بره.

هيتحددلك يوم بيسموه (يوم تحقيق) ما تقلقش من الاسم، ورقة كده بيملاها عسكري وبيسالك ايه سبب عدم ذهابك للتجنيد، بتقوله بكل بساطة كنت أساعد والدي، بيكتبها عادي في الورقة وبيحددلك يوم في النيابة العسكرية وغالبا بيكون الصبح بدري.

مش لازم تاخد محامي، مالوش لازمة خالص، وانت داخل هتلاقي عسكري بيقولك هات ١٥٠ جنيه، لو تعرف تكبر دماغك يكون احسن. جوا الجلسة بييجي عسكري قبل دخول القاضي بيوضح شوية حاجات كده وبعد كده بيدخل القاضي.

الموضوع كله مش بياخد ساعة تقريبًا.

الغرامات؛ وركز معايا اوي، قبل شهر ٩ / ٢٠١٤ كانت ثلاث آلاف جنيه (3000) حد أدنى، وخمسه آلاف (5000) حد أقصى. لكن بعد التاريخ ده حصل تعديل، أصبحت ثمانية آلاف حد أدنى وعشره آلاف حد أقصى.

القاضي متفهم جدا الدنيا ماشيه ازاي وبيميل في معظم الأحيان انه يدي الحد الأدنى. معظم الناس اللي اخدو الحد الأقصى كانو مسافرين بالخارج؛ المهنة كل ما كانت بسيطة في البطاقة بتساعد القاضي إلى حدٍ ما أنه يديك غرامه أقل.

ماتقلقش؛ مافيش دخول قفص ولا غيره، انت قاعد في قاعة والناس بتتعامل باحترام جدًا.

هتخلص وتروح وحدة تبع الشرطة العسكرية هتدفع المبلغ. بس طبعا لما الكانتين يخلص، واعمل حسابك أن فلوسك كلها تكون من فئة مائة ومائتين جنيه، واوعي تكون فيه حاجة مضروبة عشان بيراجعوا عليها هناك.

بعد كده هيبعتك مكان تبع النيابة تدفع ٧٠ جنيه ويديك وصل انك خلصت.

هتروح تاني يوم منطقة التجنيد عشان التصوير واستلام الشهادة. احلق قبلها، ولو ملتحي عادي، واعمل حسابك انك هتنتظر كتير، واليوم ده ضايع منك.

الشهاده بيكون فيها جملة كده بتفيد انك كنت متخلف عن التجنيد وتم دفع الغرامة وغير مطلوب نهائي للتجنيد.