انا مشكلتي ان فيه بنت معايا في الكلية بتحبني، وانا والله مش بكرها، انا بحبها جدا بس زي اختي، هي بتعمل كل حاجه تفرحني، اقسم بالله لو شكت للحظة اني متضايق لازم تعمل اي حاجة تحولني من متضايق لشخص في قمة السعادة.
انا من جوايا متضايق، انا شايف كمية
الحب اللي في عنيها لي بس مش قادره تقولي، وده علشان انا طول الوقت بقولها انتي زي اختي، بس انا مبقتش قادر بجد استحمل اللي هي بتعمله معايا علشان تفرحني، وانا للاسف مافيش اي مشاعر من ناحيتي ليها.
حد يقول لي اعمل ايه، انا صعبان عليا اللي هي فيه، عايشة بوشين؛ وش معايا اني زي اخوها، ووش تاني انها بتحبني. حد يقولي اعمل ايه، بجد انا مش عاوز اخسرها.
