المحرر موضوع: جوزي بيحبني حب غريب.. برغم اني قصيرة ومش أحلى حاجة يعني!  (زيارة 22 مرات)

محتار

  • Full Member
  • ***
  • مشاركة: 227
    • مشاهدة الملف الشخصي
انا متجوزه من سنتين، وجوزي بيحبني حب غريب، وانا كمان بحبه جدا، بس هو مش بيرفضلي طلب ودايما يشوفني جميلة وطفلة لان انا شخصيتي معاه مابعرفش اكون غير طفلة، شايفني مثلا رقيقة صوتي هادي، دايما تايهه مش بركز ودا بيحبه فيا، مش عارفه ازاي! بس انا ثقتي بنفسي مهزوزه شوية بسبب قصري، انا متر ونص حرفيا، وهو طويل جدا جدا ووسيم وجميل والفرق بينا كبير، وغير كده بشرتي فاتحه بس مش بيضه يعني اول درجة في البياض، وشعري عادي جدا.

في حين ان عندي سلفتي معايا طويلة وبيضه وحلوه، بس انا جميلة شكلا في الملامح -الحمدلله-؛ بقولكم كدا عشان عايزه اعرف هو لما الراجل بيحب بيقارن عادي بين مراته وبين الستات؟ ولا بيفضل مقتنع بيها على طول، ولا دي قلة ثقة مني.

بس بجد عايزه اعرف ده ايه، وممكن نظرتي لنفسي دي هو يكون شايف كدا بس مش مبين؟ ولا دي نظرة لنفسي بس؟

علما باني قدامه عمري ما ابين قلة ثقتي بنفسي نهائي.. بس موضوع القصر دها معقدني.

وغير كده، حاجات كتير ممكن يلاقيها في ستات حواليه مش فيا انا، وهل فعلا الحب فوق المواصفات الجماليه؟ ولا دا ايه؟ ممكن تجاوبوني عشان بحس اني بكتئب لما يفكر في كدا..

مستشار

  • Sr. Member
  • ****
  • مشاركة: 279
    • مشاهدة الملف الشخصي
هو اختارك من الاول قصيرة، ومحدش اجبره على اختياره ولا غصبوه على الجواز منك؛ انتي عجباه كده وبلاش تدوري علي الاسباب اللي بعد كده هتخلية يزهق منك او تسبب مشاكل.

احمدي ربنا كتير على النعم دي.. واقفلي باب الشيطان ومداخله.