وانت بتشتري تكييف لأوضة نوم راعي مساحة الاوضة وانت في الدور الكام؟ فوقها مباني ولا آخر دور؟كل دي معلومات لازم توافرها عشان تاخد إجابة سليمة تبنى عليها قرارك.
وفي حسبة تقريبية وبسيطة؛ كل عشرة متر مساحة في الغرفه بتحتاج واحد حصان ، يعني التكييف 1.5 يبقي كويس لحد مساحة 15 متر، مع ظروف الحرارة العادية، يعني مش آخر دور ولا حيطة الاوضة هي حيطة المطبخ أو أي مصدر تاني للحرارة.
ده مش معناه ان
التكييف الصغير مش هيبرد ، الفكره ان التكييف المناسب بيفصل اكتر فبيوفر كهرباء اكتر من التكييف اللي مش بيفصل إلا كل فترة طويلة.
تجربتي الشخصية مع الشارب الأنفرتر ممتازة الحقيقة؛ من حيث جودة التبريد وتوزيعة وعدم وجود صوت تماماً وإمكانية تحريك الريشة فى كل الإتجاهات وكمان تتقلب لفوق وقت النوم.. اعتقد هيكون إختيار أفضل.
