المحرر موضوع: كيفية التعامل مع Booking وازاي تضمن انك بتختار الاوبشنز صح  (زيارة 32 مرات)

مستشار

  • Sr. Member
  • ****
  • مشاركة: 279
    • مشاهدة الملف الشخصي
لو بتسأل عن كيفية التعامل مع Booking وازاي تضمن انك بتختار الاوبشنز صح؛ يبقى أول شيء تاخد بالك منها هي تعليقات وتقييمات الناس، وملاحظة السعر: هل قابل للتغيير ولا لأ، مع قابلية الإلغاء دون رسوم.

ومهم جدا مراعاة بروتوكلات الحجر الصحي في ظل أزمة كورونا لأن وارد جدا يكون فيه اشتراطات أخرى غير واردة بالحجز.

خلي بالك كمان ان الاسعار اللي بينزلها Booking غير شاملة الضريبة والخدمة وغيره؛ يعني في النهاية ممكن تلاقي السعر اكتر بكتير من اللي شوفته مكتوب.


وخلي النقاط دي معاك:
١- اختاري المكان.
٢- اعملي فلتر الاسعار.
٣- او تفتحي الخريطة وتختاري الاقرب للمكان اللي عايزة تقيمي فيه وحيكون مكتوب الاسعار برضوا.
٤- اختاري الغرفة اللي تكفيكم.
٥- اتاكدي من الضرايب الزيادة من الاوبشن.
٦- اختاري الحجز اللالغاء المجاني وبيكون مكتوب قبلها باد ايه وفي اسعار ارخص لو غير قابل للاسترداد.
٧- حاولي تشتركي في نشراتهم بيجيبوا حجوزات اسعار الساعات الاخيرة بتبقي نص الثمن.
٨- كل لما تحجزي علي بوكينج بيعطيكي نقاط وبيعطيكي خصومات علي الرحلات القادمة وعروض لمي فقط.
٩- اطبعي الحجز من الانترنت وروحي استقبال اللي الفندق لو قولتي لهم انك حاجزي علي بوكينج وعايزة تعرفي اسعار الفندق مباشرة حيعطوكي اسعار اقل وعما حيلغوا حجز بوكينج.
١٠- على فكرة موظفين بوكينج قمة في التعاون كتير حجزت غير قابل للاسترداد وساعدوني استرد المبالغ.


وكنصيحة؛ لو داخل مصر.. ابدأ الأول بالحجز من الاوتيل مباشرة خصوصا الفترة دي.

Booking ممكن تاخد منها عروض كويسة لو حجزت بره مصر اكتر من جوه. بس عموما الأفضل الحجز بفترة مش قصيرة وتحديد الأوضة المطلوبة بعناية و الأفضل يكون free cancelation و الدفع عند الوصول.

Booking فيها حاجة كويسة بردة انك ممكن تبعتي ليهم email بتجهيزات معينة في الاوضة لو شهر عسل مثلا.. و ممكن يعملك upgrade مع الاوتيل.

واطَّلِع هنا أيضًا على: خدمة العملاء والتحكم في جودة الفنادق