المحرر موضوع: مشكلي زوجي الثاني واطفالي.. كيف أوفق بينهم؟  (زيارة 31 مرات)

محتار

  • Full Member
  • ***
  • مشاركة: 227
    • مشاهدة الملف الشخصي

مشكلي زوجي الثاني واطفالي.. كيف أوفق بينهم؟

« في: أيار 24, 2021, 09:46:40 صباحاً »
انا مطلقه من ١٧ سنة، وتزوجت بعد تخرجي من الجامعة وعندي ولد وبنت ١٥،١٣ سنة، تحملت المسؤلية وربيتهم، ووالدهم لم يعرف عنهم شيء والحمد لله متفوقين في دراستهم، تقدم لي ناس كتير متزوجين ولديهم اطفال لم اقبل لان انا اتظلمت ومش عاوزه اظلم بيت تاني واخربه.

وتقدم لي رجل مطلق ولم ينجب، كان متزوج واحده مطلقة اكبر منه ١٠ سنوات ولديها ثلاث بنات، وتزوجنا بقالي ٩ شهور، وهو على طول بييجي على أولادي، وشديد جدا في التعامل معاهم، مع الرغم انه طيب وحنين ولكن عنده قسوة على الأولاد، وعاوزهم يعتمدوا على نفسهم، وانا لا. وهما في سن حرج مراهقه حصل بيني وبينه مشكلة امام الأولاد، وابني مش فاهم فحاول يبعده عني فكبرت المشكلة بينهم وشتم وطرد ابني.

وكان سبب المشكلة الصراحة انا في الاول، بس هو مش بيعرف يستوعبني خالص، وابني اتاسف له ودخل نام، وهو نزل ورجع قوم ابني من على السرير وقاله بأكلك واشربك في بيتي، يلا امشي من هنا، وبنتي وابني خافوا، واخدتهم الساعة ٦ الصبح تاني يوم العيد ومشيت. عندي سكن خاص بي قعدت انا وأولادي فيه، وهو لم يسأل حتى.

وحاولت اتصل بيه اكلمه مردش علي، وانا الصراحة مش عارفه اروح اعتزر له ولا اطلق للمرة الثانية، وانا كنت بعاني من طمع الناس في لاني ساكنه كمان لوحدي انا واولادي، وارجوا الرد للحل فقط، دون كلام يزعل.

محدش حاسس انا قد ايه في كرب، وانا كنت عاوزه اكون في سند، راجل اعتمد عليه، تعبت من المسؤلية، وانا لوحدي الحمد لله بس نفسيا تعبانة جدًا.

ملحوظة: كل مصاريف الأولاد انا متحملاها، بدون طبعا الاكل هو اللي بيشتريه، وانا والله ما بطلب شيء لنفسي وعايشه معاه بما يرضي الله، والله وكيلي في كلامي.

هو اكبر مني ب١٢ سنه، وللعلم انه انسان على خلق، يعني مشفتش منه غير الاحترام عشان مكنش ظالمة في كلامي، بس هو عنده عقدة من ناحية الولاد على كلامه، ان أولاد مراته الاولي كانو بيتعاملوا وحش معاه.

جناح طاير

  • Full Member
  • ***
  • مشاركة: 186
    • مشاهدة الملف الشخصي

رد: مشكلي زوجي الثاني واطفالي.. كيف أوفق بينهم؟

« رد #1 في: أيار 24, 2021, 09:55:12 صباحاً »
شوفى؛ ما دمتِ بتقولى عنه إنسان محترم، فقط يكون تصرفاتهم دى بسبب إنه محروم من الخلفة، وده مخلي نفسيته مضطربة وطعنة برجولته، عشان كدا لازم تقعدى معه عشان وتحطى النقط على الحروف.

اتصلى به وقابليه في أي كافية وتناقشي بهدوء ووضحى له انك باقية على العشرة وحريصة على العيش معه وإنك تحترميه وإعتبرتيه هيعوض أولادك عن أبوه، ولكن زى ما هو له حق عليكِ فكمان أولادك لهم حق عليكِ وهو تزوجك وعارف ظروف ومينفعش تتخلى عن أولادك، ومش ذنبك أنه عنده عقدة من أولاد طليقته، يبقى يطلعها فى أولادك وياخدهم بذنبهم وده ظلم، مدام هم كويسين معه.

باﻹضافة أنك متحملة مسؤليتهم، ولما هو مكنش قابل بظروفك ووجود الأولاد تزوجك ليه من اﻷول ؟

وشوفى رد فعله لو أصر على رأيه ورفضه لأولادك يبقى وقتها تطلقى طبعًا.