بدايةً انا زوجي قالي لي تحرمي عليا، بس اسمعوا الحكاية والمشكلة. لو جوزك بينام لوحده فى شقة وبيقفل على نفسه بالمفتاح؛ البيت عندي دورين مفروشين عادى، وتحت اوضة النوم الكبيرة، انا اكتشفت من فترة انه بيكلم ستات، وعملت مشكلة. وبعد كدا اكتشفت انه لسه زى ما هو وبيكدب كتير.
انا دلوقتى منعت نفسي عنه، لانه بصراحة كسرنى؛ ازاى راجل يبقي عايش معاكى فى بيت واحد وانتى واولادك لوحدكم كانهم ايتام!
انا منعت نفسي لاني مش قابلة على كرامتى اني اما اجى ادخل الشقة -بحكم انى حاطة فيها الغسالة- لازم اخبط واقف على الباب زى اللي بيشحتوا على ما يرد ويفتح، انا واجهته وقولت له اما تبقي راجل ابقي تعالى كلمنى، وهو ماصدق وقالى "تحرمي عليا" هل انا صح، ولا غلط؟
