أنا رجل اكتشفت أن زوجتي تكلم ٣ رجال؛ انا بجد تعبان جدا ومحتاج كل حد يدعى لى بالخير، وعايز نصيحه لوجه الله.هحكى باختصار، انا كنت ناجح في حياتى الحمد لله، كنت بحب بنت، وابوها كان ملتزم جدا ومكنش موافق بيا، بعد اكتر من ٣ سنين باحاول، بس في الاخر سيبنا بعض، كنت جاهز للزواج، مفكرتش كتير في الانسانه اللى هكمل حياتى معاها، واتقدمت لبنت قريبتى وكنت شايفها محترمه وكويسه، وهيا اولى بي وبالخير بتاعى من الغريب.
المهم؛ اتجوزت، وبعد شهرين كانت حامل واول الحمل شكيت في تصرفاتها، المهم عشان مطولش، عرفت انها بتكلم ٣ شباب وبتخرج معاهم وكده.. واتأكدت من ده انى شفتها في الكاميرات بتاعة الكافيه.
أخبرني؛
كيف تتصرف إذا اكتشفت خيانة زوجتك ؟مقدرتش استحمل وانفصلت عنها، اتفاجئت انى كنت متجوز شيطانة، واهلها شبهها، اخدوا كامل حقوقها.
عشان مادخلش في قصص المحاكم، وقولت ده حق ربنا، سبتهم اخدو كل اللى كانو عايزينه، وحصل
الطلاق.
بعد كدا بقو يطلوبو كشف وعلاج ومصاريف حمل وولادة، وطبعا كانو بيصرفو ببزخ، وانا كنت بدفع عشان خاطر الطفل مالوش ذنب، كده اصبحت مطلق وعندى طفل وانا كل اللى عشتهم شهرين.
بعد الولاده رفضو اشوف الطفل، ولحد دلوقتى مشفتوش، بقا عنده سنة، ومعرفش شكله.
بعد الولادة على طول رفعوا كل قضية ممكن تتعمل، ومحامي ووجع قلب، باحاول على قد ما اقدر محطش في نفسي، بس للاسف مش قادر، طبعا ثقتى بنفسى اتدمرت وبقيت انسان فاشل، بغيب من الشغل، ماباكلش، التدخين زاد اوي، حاولت اتقدم لبنت واخطبها، كل مرة باترفض، مجرد ما يعرفوا انى مطلق وعندى طفل؛ وحاسس الدنيا مقفوله ومش عارف اتجاوز ده.
باقعد لوحدي كتير، باتعصب من اقل حاجة، وبجد تعبان تعبان تعبان، ادونى نصيحة او دعاء لوجه الله.
