أنا مطلقه من سنتين، انا اتجوزت جوزي ومش كنت اعرفه خالص، جواز تقليدي، وربنا سهلها واتجوزت، مش حتى كملت حتى ١٥ يوم، كله جواز وخطوبه وكل حاجه وحبيته، من ساعت ماتجوزت على طول في مشاكل بسبب اخته، اي حاجه لازم تتدخل فيها وممكن بييجي عليا وتبقى هيه سبب المشكله ويقعد يضرب فيا، وغضبت بعد جوازي بشهرين، وكنت حامل، وقعدت في بيت اهلي لغايه ماولدت ورجعت بعد الولاده ب١٥ يوم.
انا وهو مش بينا مشاكل، كل المشاكل بسبب اخته، وغضبت تاني وقعدت ٤ شهور، واروح له عشان يرجعني، يشترط اروح لأهله ابوس رأسهم عشان ييجي ياخذني من عند اهلي، وفعلا بعمل كده ويرجع ياخذني، وحملت تاني!
كل ماتحصل مشكلة تبقى بسبب اخته، اخته دي مطلقه، بس مش كلنا نعرف؛ عرفت بالصدفه، وهو طيب بس اخته متسلطه عليه، ممنوع منعا اني انظف سجاده على السلم، والله كنت بنظفها في الشقه، ويوم كنت بنظفها في الشقه وهو موجود، مامته فضلت تشتم عليا تفكر اني بنفض السجاد على السلم، وقلتله قولها اني بنفض في الشقه -من كتر زعيق مامته- نزل فيا ضرب واتلكك عليا، غضبت اربع شهور ورجعت، شهر ونص فضل يتلكك فيا، واخته عملت مشكله انها عاوزه تاخد عيالي وتسافر اسبوع، انا رفضت قوتله انا خايفه على عيالي ومش اعرف اقعد من غيرهم، نزل فيا ضرب، واخته وأمه واخواته ولما عاوزين ياخدوا العيال وانا مصممه اخد العيال وامشي.
المهم مش عرفت امشي، وساعتها قالولي اتنازلي عن القايمه وأمضى نخليكي تاخدي العيال وتمشي، انا مش رضيت امشي، روحت عند ماما يوم عشان اروح للدكتور ورجعت تاني برضه، عاوزين ياخدوا العيال ويسافرا، برضه رفضت، فضل هو اخته يضربو فيا لغايه ما اتصلت على اهلي، انا ماشيه بالبوليس واخدوا مني العيال، وبعدين رفعت ضم العيال بعد ٢٥ يوم اخدت عيالي بأعجوبه، هو طلبني للطاعه، رفضت، ورفعت طلاق للضرر، واتطلقت بس اخدت جزء من القايمه والباقي عملت له تبديد لأنه مش هو العفش، وأخذ فيه حكم حبس وغرامه، بس مش اتنفذ، والمشكله اني لسه بحبه وبنتي متعلقه بابوها جامد، وبتتعالج نفسي، وابوها ولا هنا ، بيدفع نفقه بس قليله، نفسي يرجع.. هو ولا حاسس بينا ، بنتي بتقولي ممكن يرجعك من غير ما عمتو تعرف..
