المحرر موضوع: ما رأيك في نظام التابلت ؟ وهل يوجد بدائل ؟  (زيارة 39 مرات)

مستشار

  • Sr. Member
  • ****
  • مشاركة: 279
    • مشاهدة الملف الشخصي

ما رأيك في نظام التابلت ؟ وهل يوجد بدائل ؟

« في: أيار 24, 2021, 03:10:14 مسائاً »
قبل ما أحكي وجهة نظري ثم مشكلتي؛ أسألكم: ما رأيك في نظام التابلت ؟

ابنتي الكبيرة في سنة ثالثة إعدادي. هي ما شاء الله تبارك الله متفوقة. هي في مدرسة تجريبي لغات. ودايما بتكون من الأوائل. 

ان شاء الله السنة الجاية المفروض هتكون في اولى ثانوي.

وبصراحة انا غير مقتنع تماما بنظام التابلت، لأن حسب معلوماتي يوجد غش كتير وظلم كتير. ده غير المشاكل التقنية الموجودة. وطبعا ده هايضيع مبدأ تكافؤ الفرص أكيد.

السؤال: هل يوجد بدائل؟!! 🤔🤔

هل يوجد نظام تعليمي اخر داخل مصر يكون فيه عدل وشفافية وكل طالب ياخد حقه بالعدل ممكن تحول ليه؟!!

هل متاح مثلا انها تلتحق بحاجة اونلاين وتاخد شهادة تؤهلها انها تدخل الجامعة؟!!

هل متاح مثلا مدارس اجنبية ممكن تحول لها بس تكون مصاريفها معقولة و قد الايد؟!!؛

انا بس بفكر معاكم بصوت عالي. لأني مش متخيل اني ممكن اقول لها غشي طالما الكل بيغش 😥

وطبعا لو هي ماغشيتش. اللي هايغش هايجيب مجموع اكبر منها وهي هتتظلم. ومستقبلها هايضيع. 😭

شكرا جزيلا لحضراتكم ❤️

جناح طاير

  • Full Member
  • ***
  • مشاركة: 186
    • مشاهدة الملف الشخصي

رد: ما رأيك في نظام التابلت ؟ وهل يوجد بدائل ؟

« رد #1 في: أيار 24, 2021, 03:10:21 مسائاً »
بالعكس انا شايف ان نظام التابلت ده قمة في التقدم واحسن للطلبة ولا عشان احنا ماشفناش حاجه كده يبقى وحش ؟ المهم رأيها هي! مش لازم نقهر الولاد ونمشيهم على حسب ما اتربينا وخلاص، يمكن عاجبها هي وحاسة انها حاجه نظيفة كده وجديدة؛ سيبوهم يخوضوا التجربة، المهم هي تذاكر بس واللي مذاكر مش فارق معاه تابلت ولا ورق.

إنسان حر

  • Sr. Member
  • ****
  • مشاركة: 304
    • مشاهدة الملف الشخصي

رد: ما رأيك في نظام التابلت ؟ وهل يوجد بدائل ؟

« رد #2 في: أيار 24, 2021, 03:15:46 مسائاً »
أولا ممكن تتجهي إلى التعليم الازهري، مفهوش تابلت.

ثانيا، ممكن تدخليها IG وده نظام التعليم البريطاني وشهادتها بتبقى من بره بس مكلف طبعا.

ثالثا بقى مدارس STEM.

أخيرًا بقى سؤال؛ هو ايه علاقة الغش من عدمه بنظام التابلت ؟!!

من الآخر الغش ممكن يعديك مرة، ممكن يزودك مرة، بس على المدي الطويل مش هينفع ، كقاعدة عامة النجاح في الحياة عموما قصة سعي ، و ضربات الحظ دي بتبقي شيء استثنائي اوي و بتبقي وقتي و بتزول.

فلو هنقول ان عيوب التابلت في التعليم موجودة فده شيء عام، والبدائل معاكي وقرري.