انا منفصلة من ٦ سنين، والانفصال بسبب خيانه جوزي الي هوه طليقي دلوقتي، المهم هوه بعد الطلاق بفترة حاول نرجع لبعض، ومع كل مرة اقول اديله فرصة، يعمل حاجه يخليني اصمم على عدم الرجوع.
المهم هو اتعرف على ست من النت مطلقة وعندها بنت، اتجوزها وبطل يسأل عن أولاده خالص، وبطل يبعت ليهم مصاريف، رفعت عليه قضية نفقة، دلوقتي بيكلمني عايز يرجع تاني، مع اني عرفت ان المدام حامل؛ وقولت له طلقها، وانا ممكن ارجع!
وافق على انه يطلقها، بس بيقول لي عايز ضمانات مني انا علشان ارجع له، وبصراحه لما وافق انه يطلق المدام الجديده وهيه على وش ولاده قل من نظري اكتر واكتر، ومحتاره اعمل ايه.
