عندي سؤال معلش. انا شغال موظف في بنك ما. باشتغل من 8.30 لغاية 4 مثلا. بيتي بعيد عن شغلي فالمشوار بيضيف ساعة ونص كمان على مواعيد الشغل؛ المهم، انا ببقي نشيط جدا الصبح، انا عموما بحب شغلي جدا وبحب التعامل مع الناس والعملاء.
المشكلة هنا لما بروح على اخر اليوم وعقبال مابرجع بيتي واتغدى وكده، مبقاش قادر اعمل حاجة تانية وببقي مجهد جدا وعايز انام ومش قادر.
انا بطلت اشوف اصحابي غير في الإجازة فقط وحياتي أصبحت شغل وبيت فقط، حاسس ان الحياة بتجري مني في النمطية اللي انا فيها. هل مثلا انا عندي مرض ما ولا ده طبيعي! ولا فيه حاجة، انا عندي 30 سنة، مدخن شره، ومش متزوج.
