المحرر موضوع: نصائح يومية مهمة لكل شخص على الطريق  (زيارة 35 مرات)

مستشار

  • Sr. Member
  • ****
  • مشاركة: 279
    • مشاهدة الملف الشخصي

نصائح يومية مهمة لكل شخص على الطريق

« في: أيار 25, 2021, 08:48:55 صباحاً »
هابدأ معكم اليوم نصائح يومية مهمة لكل شخص على الطريق وفي الشارع وعلى الأسفلت، راكب وماشي. امبارح الساعة ١٠:٣٠ مساءا عربية ملاكي واقفه ومشغله ستوب فلاش، وحواليها اقماع عاكسه، وامام العربية ب ٢ متر "جثة بني ادم" على الاسفلت !

الله اعلم مين الصح ومين الغلطان.

بص انا مش همارس دور الواعظ !

لكن انا بترجاك، علشانك وعلشان اكيد الناس اللي على الطريق اللي في العربيات او بتعدي على الاسفلت، دي ليها ناس عزيزة عليها.

بترجاك تخلي بالك على نفسك أولا، وبترجاك تخلي بالك علي اللي حواليك.

الموضوع باختصار "واحد في المستشفي وواحد في الحبس" ده قانون مصر.

واحد هيطلع بريء ويدفع كفاله، والتاني اما يخرج متجبس او بعاهه او ميخرجش خالص !

الناس اللي بتاخد غرز في الطريق وفاكر انه اخدها بالمقاس، صدقني العربية اللي وراك هي اللي هدت سرعتها علشان متلبسوش في بعض،، مش شطارة منهم،، فالاخر ستر ربنا.

ارجوك اهدأ شوية، كفاية كمية الحوادث اللي شفناها رمضان اللي فات بسبب السرعة والاستعجال وقلة الصبر.

الناس اللي بتدينا ضهرها وهما بيعدوا الطريق، صدقني انا وانت هنخسر كتير اوي نفسيا وماديا لو خبطك لا قدر الله، ارجووك اتعب نفسك شوية واتمشى وعدي من عند اشارة او سلم مشاه او علي الاقل من عند مطب تكون العربيات مهدية شوية.

بلاش تعدي الدائري او المحور او اي طريق سريع، لا صبح ولا بالليل، انت مدرك يعني ايه بتعدي ٤ حارات ؟ يعني ٨ متر عرض الطريق، وفيه عربيات جاية بسرعة ١٢٠ كم / الساعة !! يعني المتر الواحد العربية بتمشيه في زمن اقل من الثانيه!

الرجالة الطيارين بتوع الموتوسيكلات، يا اخي بالله عليك علشان خاطر نفسك واولادك واسرتك. علشان خاطر لقمة العيش اللي انت بتجري عليها زي كل الناس، ارجوك اهدأ شوية احنا مش بنجري علشان نلحق الجنة.

انت الوقعه عندك هترقد شهر في البيت واحتمال شغلك ميصرفش عليك الشهر دا، ولو صرف مش هيصلحلك الموتوسيكل اللي عليه اقساط اصلا.

ربنا يهدينا ويسترها علينا..