المحرر موضوع: تعالى نساعدك في طريقك في سن العشرينات  (زيارة 64 مرات)

مستشار

  • Sr. Member
  • ****
  • مشاركة: 358
    • مشاهدة الملف الشخصي

تعالى نساعدك في طريقك في سن العشرينات

« في: أيار 25, 2021, 09:19:54 صباحاً »
حاجات مفروض تعملها وانت في سن العشرينات علشان لما تكبر لا تندم انك معملتهاش.

١. الصلاة.
٢. القراءة.
٣. السفر داخل مصر أو خارجها للفسحة.
٤. بدء مشروع صغير.
٥. تعلم لغة.
٦. الرياضة.
٧. الدراسة المستمرة.
٨. ما تسبش شغل الا وفى ايدك غيره.
٩- خليك قريب من الله دائما. اجعل الله أقرب إليك وأوثق من كل أحد.
١٠- تخفف من الذنوب.
١١- لا تثق بأي أحد ثقة كاملة.
١٢- ابعد تماما عن أي صديق ينزلك.
١٣- تعود على تحمل المسؤولية.

وبشكل أكثر تفصيل شوية؛
١- حط هدف كبير يستحق أنك تفني حياتك عشانه. من ناحية يديك متعة لا توصف وانت حاسس أنك كل يوم بتعمل حاجات تقربك مالهدف ده. ومن نحية ثانية تكون ضامن أنك عند سن الثلاثين مثلا هتكون ناجح بشكل لا يوصل في المجال اللي هيوصلك لهدفك.
٢- اتعلم ازاي تتكلم و تعبر عن نفسك و أفكارك بشكل منسق و بليغ.. ديه بتيجي مع الممارسة و التحدث مع الناس الأكثر خبرة منك و مع الوقت هتكتسب المهارة ديه..
٣- خلي القراءة حاجة أساسية في يومك.. مفيش حاجة احسن من أنك تكون عارف و مطلع.
٤- اشتغل في المجال اللي انت عاوز تبقي صاحب عمل فيه بالمستقبل

لو نفذت الكم حاجة دول هم سنتين و هتتحول لشخص لا يقهر.

وأخيرًا، بشكل أعَمّ
كل ما فيه متعة حلال واستمتاع بالوقت والحياة.

يعني مثلا نمي علاقاتك مع اصحابك ومع أهلك اولاد اعمامك وأولاد اخوالك واخرجي واتفسح بما لا يتعارض مع الدين ولا كلام الأهل.

اعمل رحلات وذكريات حلوة.

لو في حاجة نفسك تتعلمها زي مثلا رسم، شغل يدوي؛ اعمل ده حتى لو وقتك مش كبير بس اللي بتحبه مش هتتعب منه.

وأهم حاجة عود نفسك على المسئولية والالتزام بكل ما يخصك. الانسان اللي بيعرف يبقى مسئول عن نفسه الناس بتحبه وبتحب تتعامل معاه وبتحترمه لانه مش طول الوقت محتاس ولا طول الوقت بيلجأ للناس تخلصله ده وتفهمه ده.

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

رد: تعالى نساعدك في طريقك في سن العشرينات

« رد #1 في: أيار 25, 2021, 09:26:51 صباحاً »
فيه حاجات بتعملها علشان تتبسط زي الاصحاب والسفر وانك تجرب حاجات جديدة.

وفيه حاجات بتعملها علشان مستقبلك وهي انك تشتغل على نفسك وتتعلم وتكتسب مهارات تنفعك في شغلك وتخليك متميز.

ابدأ حط اهداف بعيدة المدى واهداف قريبة.

لازم تكون اهدافك مش مستحيلة علشان ما يجيليكش احباط. ودايما اعملها تحديث بحسب تغير الظروف.

واعمل بالآية الكريمة "وأن ليس للإنسان إلا ما سعى”. يعني عليك السعي، وماتقلقش بتحقيق النتايج، اجرك محفوظ دنيا وآخرة ان شاء الله.