ردًا على سؤال لـ ا.ي؛ كنت عاوز اعرف اللي بيدخل الجيش بيقدم قيد عائلي ولا لا؟ وينفع كريمي النسب يدخلو الجيش؟
الردمبداياً اللي بيدخل الجيش مبيقدمش قيد عائلي بيقدم شهادة مؤهل ان وجدت موجدتش بيبقي امي وبيقدم باقي الاوراق اللي بيقدم قيد عائلي ده اللي عايز ياخد اعفاء عائلي وبيقدم القيد علشان يثبت موقفه القانوني انه وحيد مثلا او ليه اخ صغير ووالده تجتوز سن الستين او ليه اخ وتوفاه الله واصبح وحيد مثلا حالات كتير وكل حالة بتختلف عن غيرها.
كريمي النسب بيدخلوا الجيش عادي جداً.
القيد العائلي بيتقدم لو الشاب تنطبق عليه شروط/حالات الاعفاء او التأجيل والحالات دي محددة ومنشورة علي موقع ادارة التجنيد وليس منهم اشراف النسب او كريمي النسب او غيره. الرسول عليه الصلاة والسلام نفسه كان بيحارب!
اما من يحل عليه الدور حسب الجدول المعلن ايضا بيسلم نفسه حسب منطقته ويمر بمراحل الكشف الطبي وغيره لبيان اللياقة وفي النهاية اما بيكون لائق وبيتحدد نوع تجنيده عسكري او ضابط او بيكون غير لائق وبياخد اعفاء نهائي لعدم اللياقة.
واقرأ هنا عن حالات الاعفاء من الخدمة العسكرية الالزامية
