أنا 24 سنة حبيت واحدة سنتين ووقت ما جيت اتقدملها حصل خلاف بسيط ما صدقت وراحت لولد جديد لمجرد انه شكله حلو شوية عني ووقع ما بينا لحد ما كرهتني وحبته.
هما قراوا فاتحة من اسبوع والشبكة بعد اسبوعين. انا متاكد ان لو خليت اي حد شكله احلي من الواد هتسيب الواد وهفش غليلي وهحسسه احساسي بس معنديش صحاب للأسف.
انا بقالي 5 شهور حاولت اتجاوز وكشفت نفسي وحاولت اشغل وقتي مفيش فايدة. انا تعبان ومش هرتاح غير لما يفشكلوا عشان الولد يحس باللي عمله انتو متخيلين بدخل عندها 100 مرة في اليوم.
انا اتدمرت حرفيا. حاولت احب غيرها معرفتش. حياتي واقفة. كمان هي قالتلي انت ملكش ام وملكش صحاب وملكش حد. ترمي فيه وجعك غيري وهتتعذب في الدنيا عشان مش هتبطل تحبني وانا بحب فلان عشان احلي منك.
انا عارف انها زبالة هي والواد بس نفسي يحسوا نفس احساسي. انا معرفش لو فشكلت ممكن اسمحها ولا لا.بس الاكيد عاوز اشفي غليلي.الاحساس بالظلم صعب. والولد حتي لو ضحك عليها مكنش ينفع تسمعله.
انا تعبان اوي والله تعبان.. ومحدش يقولي انت مش راجل.. الراجل ده عنده قلب.. ده غير ان الواد مكتفاش بانه ضحك عليها ودمرلي حياتي لا ده اخد منها معلومات عني وعمال ياذيني في سمعتي.عشان يتقربلها . انا عاوز افشكل ما بينهم باي طريقة عشان الولد ده يحس بكم انهيار اللي انا فيه وباللي عمله وكمان يسيبني في حالي. بجد انا منهار ومش لاقي حد جنبي يجيبلي حقي منهم.
