المحرر موضوع: استشارة في اختيار وظيفة/العمل في القطاع الخاص أو الحكومي ؟  (زيارة 50 مرات)

جناح طاير

  • Sr. Member
  • ****
  • مشاركة: 265
    • مشاهدة الملف الشخصي
تستشير (ا.س) محتاجة اراء الناس في اختياري ما بين العمل في القطاع الخاص أو الحكومي!، دلوقتي انا واحدة غير متزوجة، وباشتغل موظفة حكومة بقالي ٧ سنوات في حتة -الحمدلله- كويسة ومريحة، وبخلص بدري، لكن للاسف المرتب مش كبير.

كنت الاول باقول اني مش محتاجة فلوس كتير كبنت، كمان احنا من عيلة ميسورة -الحمد لله-، وعشان لما اتجوز اقدر اوفق بين البيت والشغل. وبعدين لقيت جهة تانية منزلة اعلان وظائف، ومواصفاتها تنطبق عليّ وفلوسها كويسة -ما شاء الله- بس الفكرة ان شغلها صعب جدا وبيخلص متأخر.

فأنا مش عارفة اقدم فيها واسيب وظيفتي الحالية! مع العلم مش هعرف ارجعلها تاني لو سبتها، وكمان ممكن ماقدرش اوفق بينها وبين البيت لو اتجوزت، ولا اخليني في وظيفتي الحالية، محتاجة رأيكم؟

الرد

خليكي في الحكومي طبعا لان شغله مريح بكتير عن الخاص في الخاص هتتبهدلي شغل.

حتى بعد الجواز بإذن الله الحكومي سهل توفقي بينه وبين بيتك لان ساعات شغل اقل ده غير الاجازات.

ولو ممكن؛ اجازة بدون مرتب، جربي ولو مرتحتيش ولقيتي الموضع مش مُجزي ارجعي، واطلبي من شغلك الجديد ان ميتامنش عليكي لفترة عشان متخسريش شغلك القديم.