سؤال من (ا.ج) يقول: هو ليه الـ KYC اللى البنوك بتطلبه عشان بيانات العملاء فيه اقرار ان ليهم حق يشاركوا البيانات زي ما هما عايزين مع اي شركة او مقدم خدمات او طرف تالت ؟ يعنى ببساطة يقدر يبيع بيانات العملاء الخاصة ويكسب منها فلوس وبيطلب مننا نمضى بالموافقة .. اية الحل في دا .. وهل كل البنوك كدا ؟ واية اللى يحصل لو الواحد مش موافق يمضى ع الاقرار دا؟
الردالكلام ده حقيقي وحاجة كويسة من
البنك جدا لانها بتفكر تفكير مستقبلي، بس خلينا نتفق على مبدأ مهم جدا الا وان البنك مش محتاج فلوس عشان يبيع بياناتك لاي حد.
انما هنا البنك بيشارك بعض الجهات الخارجية معلومات عامة عنك ليس منها الارصدة والحسابات وكدة انما معلومات خاصة بال KYC.
ليه البنك بيعمل كدة ؟ للتيسير على العملاء اللي هيكون عندهم الرغبة للحصول على خدمات معينة معظمها اونلاين من جهات معينة بدون الطلب من العميل لامداد هذه الجهة بمعلومات عنه وبدون الحصول على توقيعه مرة اخرى كنوع من التيسير.
اخيرًا البنك المركزي حاليًا بيشتغل على قاعدة بيانات مركزية تسمح لحضرتك لو فتحت حساب في بنك (س) انك تقدر تفتح حساب في بنك (ص) من غير ما يطلب منك بيانات وانك تملى
KYC form لانها متوفرة من الاساس عند بنك (س).
