مشكلة أخت فاضلة؛ منفصلة من اكتر من ٨ سنين ومعي ثلاث اطفال، ابوهم ماسألش عليهم ولا يعرف عنهم حاجة طول الـ٨ سنين، واتجوز وخلف وعاش حياته. حتى النفقة دايخة فى المحاكم عشان اطولها ومش عارفة. متقدملى واحد متزوج، هو ماديا مرتاح، وقالى انه شارينى وهيعوضنى انا وأولادي.
هو مراته موافقة على زواجه او بمعنى تانى مش فارق معاها وعايشة لأولادها. وهو اتجوز مرتين وطلقهم، حسب اسبابه: واحدة اهلها مكنوش كويسين، والتانية اكتشف ان سلوكها مش مظبوط.
هو لمح ان سبب زواجه أول مرة على أم أولاده انها مش مكفياه.
هو بيقولى انه مستعد لأي حاجة اطلبها وعيالى هيبقوا فى عينه، بس الصراحة مش متقبلاه ولا متقبلة كلامه. وبردو بفكر ان أولادي ظروفهم تتحسن ويعيشوا فى مستوى افضل.
محتاجة نصيحتكم، ولو اه، اعرف ازاي او اطمن انه مش مزواج، او اتأكد من اسباب طلاقه لزوجتيه السابقتين.
