انا مخنوقه ومحتاجة نصايحكم. جوزي شغله مش مستقر، كان بيشتغل فى شركة معروفة والشركة انهت شغله معاها هو وناس كتير، والكلام ده من ٥ سنين. وبعد كده دخل فى مشروع وخسر، ونعتبر صرفنا كل اللى حوشناه من شغله زمان. واشتغل السنة دى فى شركة تانية، ولكن الشركة تعثرت ومشت كل الموظفين لظروفها المادية.
وكل ما يقدم فى شركة لسه محدش بيرد عليه، وحاليا ظروفنا ماديا بقت صعبة، وعندى ٣ اولاد اكبرهم فى اعدادى. مش عارفة ايه الحل بجد فى اللى احنا فيه. مبقيتش عارفة افكر ونفسيتى تعبانة جدا جدا.
يا ترى ده غضب من ربنا عليا او على جوزى واللا ايه ؟مع العلم بان
زوجي متدين ومش بيسيب فرض فى الصلاة وانا كمان والله، ودايما بيساعد الناس ولو حد يعرفه بيحتاج شغل او اى حاجة مش بيسيبه لو يقدر يساعده.
محتاجة تنصحونى اعمل ايه وتقولولى ايه سبب المحنة اللى احنا فيها دى لانى بجد مش عارفة اعيش وصعبان عليا أولادى.
