تسأل (هـ.ح)؛ انا لسه هاتعلم السواقة انا وجوزي، واحنا الاتنين زيرو سواقة، وكنا فكرنا نجيب يوزد في حدود ١٠٠ لـ ١٥٠ بس حسيت الاوبشنز مش اد كده بصراحة، فلما بصيت على الجديد لقيت فيه حاجات من ٢٠٠ لفوق، وعجبني الفيات التيبو والبيجو ٣٠١ وكذا حاجة.
احنا كل اللي فارق معانا تكون اوتوماتيك، مش فارق هاتشباك او سيدان، وتكون مش صيني، وقطع غيارها متوفرة ومش غالية اوفر.
المهم دلوقتي، انا خايفة اجيب عربية جديدة واحنا لسه في الاول كده، لتتبهدل. وفي نفس الوقت لو جيبنا يوزد فهو يعتبر مش رخيص بردو، وعلشان نغير العربية هناخد فترة كبيرة شويتين على ما ناخد القرار.
في رأيكم نتعلم كويس ونشتري جديد ولا نجيب يوزد ونتعلم واحدة واحدة فيه، ولما ربنا ييسر نبقى نغير؟
