(م.م) يسأل؛ اتصرف ازاي يا جماعة مع سواق أوبر باص ركبت ودفعتله الفلوس ٣٥ جنيه وما أخدتش بالي اني لما نزلت عملي ريبورت اني مدفعتش الفلوس.
وجيت احجز وانا مروح ومكانش فيه اي مواصلات حرفيا غيره، الابلكيشن رفض يحجزلي، وبعد معاناه عرفت احجز رحلة بضعف السعر (تعويضًا عن الرحلة اللي مدفعتهاش او اللي السواق مسجلهاش).
فأنا اعمل ايه مع السواق ده عشان Uber support مبيردوش، ولا في الابلكيشن ولا على الإيميل.
واعمل ايه بعد كده عشان ميتضحكش عليا تاني؟
الرد
عزيزي؛ افتح الابلكيشن وهات كلمة مشاويرك وهات الرحلة اللي الكابتن بلغ انها لم يتم دفع حسابها، واعمل شكوي بتفاصيل الرحلة، وان شاء الله يرجعولك حقك.
بالنسبة انك تعمل ايه، خليك قاعد مع الكابتن لما تديله الفلوس وتتاكد انه قفل الرحلة، انتهت يعني.
سبحان الله، الناس بتفنن في النصب وفاكراها فهلوة وهي فلوس حرام، ومعرض يعمل حادثه ولايتقلب في أي وقت.
