الأخت (م.ك)؛ تسأل: يا جماعة، هل فيه ضرايب على الشقق الملك !! جات لنا على بيت بابا ضريبة على السنة اللي فاتت والسنادي، وقالولي تقدمي تظلم إعفاء دفع ان مش عندكم شقة غيرها، لو عندكم هندفع!أول مره اسمع كده، ده حقيقي ؟
وإيه غرامة عدم الدفع؟ علشان الرقم اللي جه على سنتين.
الردمرحبًا؛ دي الضريبة العقارية ولو تعددت الشقق تُعفى شقة واحد كمسكن خاص، وممكن الوالد يكتب شقة صوريا لكل ابن تجاوز ٢١ سنة.
الضريبه ١٢٠ جنيه عن كل سنة، ودا لو عندك أكتر من
شقة، بتقولهم انت قاعد في انهي واحده والباقي بيحسبوا على كل واحده ١٢٠ جنيه، مادام قيمتهم أقل من ٢ مليون جنيه، إنما لو أكتر بيحسبوا مبلغ أكبر بس مش فاكر كام. الكلام ده أنا شفته في التليفزيون على لسان مدير مصلحة الضرايب.
وحضرتك بتروحى الحي التابعة ليه بصورة عقد الشقة وايصال كهرباء او غاز وصورة
البطاقة، وبتملى طلب إعفاء بأن الشقة قاعدين فيها ومش متأجرة. وبيطلع مندوب من الحى يتأكد من وجود الشقة وان فيها حد وبياخد تقريبًا سنة او اكتر.
وعلى فكرة بتتحسب الضريبة من ساعة حصول العمارة على الترخيص لغاية اليوم.
بتقدمي انك ساكنة فيها وبيتم اعفاء طالما تمنها لايتعدى ٢ مليون؛ بس لازم تقدمي، ولو عندك شقة تانية مقفولة او متأجرة بتدفعي عليها؛ يعني الاعفاء عن اللي مقيمة فيها فقط.
