المحرر موضوع: كيف اخبر ابني الصغير بوفاة جده ؟  (زيارة 78 مرات)

إنسان حر

  • Hero Member
  • *****
  • مشاركة: 547
    • مشاهدة الملف الشخصي

كيف اخبر ابني الصغير بوفاة جده ؟

« في: أيار 27, 2021, 09:22:11 صباحاً »
(و.ت) تسأل: كيف اخبر ابني الصغير بوفاة جده ؟ ازاي نقول لطفل ٤ سنوات صغير وحساس جدا وبيتاثر لفترة طويلة بأي حدث؛ ان جدته اللي كان مرتبط بيها جدًا ويعتبر هي اللي ربته انها اتوفت؟ ممكن لو حد متخصص يقولي اعمل ايه؟

وبشكل عام؛ ماذا نقول للاطفال عن الموت؟ وما كيفية التعامل مع طفل فقد والده أو جده أو شخص كان قريب جدًا منه؟


الرد

بدايةً؛ لو الطفل حساس فعلا بشكل ملحوظ استشيري خبير نفسي أضمن بلاش نصايح أي حد وخلاص.

لكن انا هانقل لكِ بعض اقتراحات ومواقف مشابهة حصلت:
١. انا اتعاملت مع بناتي بمنتهي الصراحة بعد وفاة باباهم مع ان سنهم كان صغير جدًا، أكبرهم كانت ٥ سنين، وقلت لهم انه سبقنا للجنة عشان يبني لنا بيتنا هناك عشان لما نروح له يكون البيت جاهز، واستوعبوا وعدت الحمدلله.

٢. انا ابني نفس السن مكنتش عارفة اقوله ازاي لما أبي توفى وهو كان مرتبط بية جدا، ولما لاحظ غيابة كان بيعيط كتير ويدور عليه ويتصل بيه. كنا بنقولة جدو راح عند ربنا بس بعدها نفسيا تعب وبطل يأكل ولو حد غاب عنو شوية يجيلو هستيري عياط، فالأفضل نسيه بالوقت واشغليه بأي حاجة لحد مايتعود على عدم وجوده وواحدة واحدة يكبر شوية وفهميه.

٣. في السن ده مش هيركز شوفي بيحب ايه واعمليه هيهتم باللي بيحبه وموضوع جدته خديها مع تدريجي حتى لو مسألش.

٤. اتكلمي معاه عن فكره ان ممكن اي حد يروح عند ربنا وان اللي بيعمل كويس بيروح الجنة، واتكلمي عن الجنه وجمالها وسعادة اللي بيروح فيها، ده شق جمالي مش ارهابي عن الموت. قوليله راحت الجنة -إن شاء الله- وهي مبسوطه جدا وعندها كل حاجه بتحبها، واحنا لازم كمان نفضل نعمل كل حاجه كويسه علشان نتقابل كلنا هناك وقت ما ربنا يأذن.