المحرر موضوع: تجربتي السيئة مع ضمان العربي  (زيارة 54 مرات)

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

تجربتي السيئة مع ضمان العربي

« في: أيار 27, 2021, 09:49:53 صباحاً »
لو عايز اشتكي شركة العربي اشتكي فين ولمين ؟ الثلاجة شارب ولسه حتى مكملتش نص مدة الضمان وفيها عيوب تصنيع ! وبقالي اكتر من ٢٠ يوم قاعد في البيت من غير ثلاجة  أسرة كاملة عايشة في الحر ده، انا وزوجتي واتنين أطفال من غير تلاجه.

حاجتي كلها باظت والادوية باظت وحاجه حسبي الله ونعم الوكيل.

كلمتهم تقريبا اكتر من ٢٠ مرة علي مدار العشرين يوم اللي فاتو واتحددلي اكتر من ٥ زيازات ما بين فني مش فاهم، ومابين فني يقولي ده عيب تصنيع، وفني يقولي هسحبها المصنع، وفني يتصل عليّ الصبح بدري ويقولي جايلك ويقعدني من الشغل وميجيش.

وياريت راضين حتى يسحبو التلاجه ويصلحوها ويرجعوها.

وفي الآخر يتصل مهندس محترم منهم يقولي ان مفيش حل غير اننا نجيلك البيت، ونقص ونعمل لحامات في مواسير التلاجه ونشحنها، وحل اننا نسحبها ونصلحهالك وترجع زي الاول ده مش متاح، ولا اي حل تاني متاح. وبرده رضيت بالامر الواقع وياريت بينفذوا -بالرغم ان ده هيقلل قيمة التلاجه جدا- بس لازم ارضي لان مقدرش اعيش اكتر من كده من غير تلاجه.

وتكلم خدمة العملاء حاجه قلة ادب -الا من رحم الله منهم- ! انا مش فاهم ازاي ضمان وبيسوّق انه احسن ضمان ويعمل كده.

ولسه في ناس مخدوعة في ضمان العربي.

والله ماهم صناع الثقة ولا يعرفوا عن الثقة ولا المصداقية حاجه ابدا، انا محتاج اعرف اشتكي لمين واقدر ألزمهم ازاي بالضمان؟

وهل حماية المستهلك هتاخد وقت ولا الاجراءات بتمشي ازاي ؟

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: تجربتي السيئة مع ضمان العربي

« رد #1 في: أيار 27, 2021, 09:50:55 صباحاً »
حمايه المستهلك مش بتاخد وقت خالص عليك بيها هما بيخافوا منها جدا.